نصائح للقادمين الجدد في ألمانيا 🫂 :
١ – أنتبه من التقسيط.
٢ – تأخرك عن دفع الكهرباء او المي او الأنترنت يعرضك لمشاكل بالمستقبل اذا قررت تشتري بيت وتسحب قرض ، دائماً أدفع بوقتك لأن هالشي بيخرب بيتك.
٣ – تعلم لغة حسب مجالك ولا تضيع وقت ع C1 واخر شي تشتغل بأمازون.
٤ – لا تضل قاعد بالبيت فترة طويلة لأن بصيبك كسل وماعاد تقدر ترجع للحياة الطبيعية.
٥ – كل سنتين غير عقد الكهربا تبعك لأن بيرتفع مع الوقت.
٦ – لا تشتري سيارة إلا أذا مضطر.
٧ – لا تشتغل بالأسود.
٨ – ماتحول مصاري على البنك لأي شخص على الEbay او فيسبوك ماركت وأستخدم بايبال.
٩ – دائماً أعمل خطة وأمشي عليها مشان توصل للجنسية.
١٠ – لا ترد على أرقام غريبة أبداً.
١١ – أعرف حقوقك وواجباتك ولا تكون ضعيف شخصية لأن الناس بتركبك هون.
١٢ – لما تستأجر بيت أعمل فيديو وهو والبيت فاضي قبل ما تنقل غراضك عليه لأن بالمستقبل ممكن المؤجر يتهمك بعطل قديم ومايرجعلك التأمين وهالشي بفيدك.
١٣ – لا تنتقل من بيتك كتير لأن هالشي بأثر على الشوفا تبعك وبيعتبروك أنسان غير مستقر ونقاطك بتنزل بنظام الشوفا.
١٤ – لما يجيك بوست فيه غرامة او فاتورة أتأكد منها وأدفعها بوقتها.
١٥ – لا تخجل أذا حالتك المادية مو تمام روح على مركز التافل وخود اكل مجاني.
١٦ – أذا حاسس حالك تعبان نفسياً او عندك أكتئاب أطلب المساعدة او روح دكتور والأوكا بيدفعلك كلشي.
١٧ – لا تشتري سيارة ماشية فوق ال ٢٠٠ الف الا اذا معك ناس مختصة وبتفهم حتى لو السيارة معها Tüv جديد.
١٨ – لا تتخانق مع حدا على الفيس بوك عايش بألمانيا وتترك ممسك عليك حتى لو مسبة.
١٩ – الشرطة لا يحق لها دخول منزلك بدون ورقة محكمة.
٢٠ – لا تتعود على الأكل السهل متل البيتزا أو الأندومي ، بعد كم سنة وصحتك بتصير بلأرض.
٢١ – لا تستأجر بيت والتدفئة والمي السخنة على الكهربا لأن بتخرب بيتك حتى لو مضطر.
٢٢ – لا تعمل مشاكل مع أتراك او بولنديين.
٢٤ – كل ستة اشهر اعمل زيارة عند الدكتور وأعمل فحص شامل.
٢٥ – لا تشتري اي وثيقة مزورة لأن بتنكشف بسهولة.
٢٦ – تعلم تقول لأ للألماني ، اذا شي ماعجبك قول لأ.
٢٧ – لا تسكن ببيت وصاحب البيت بنفس البناء.
٢٨ – كتبولنا نصايح نضيفها للبوست.
الجالية العربية في المانيا
تنويه: المشاركات لا تعبر بالضرورة عن رأي الموقع
