لمن من يسأل عن قصة البروفيسور ابو معاذ ..
او عقولة احد المتابعين :Haus des Marmelade
هو عبارة عن شخص كان عامل عروض على اغراض مونة شغل بيت .. جبنة .. مكدوس .. مربى .. الخ ..
وبس تتفق معو وتحولو المصاري بتاكل حظر وبختفي ..وحسب الاخبار صارو ضحاياه فوق ال100 شخص ..
اما مربى القرع فهو عبارة عن هدية من ابو معاذ بعد ماتطلب من عندو بيسفقك منية بجملة :
( تكرم .. ورح ابعتلك مع الغراض هدية مربى القرع ببلاش ..
بس بدك ياه مع قطر او ناشف ؟؟)
بس للاسف ماعرفنا اذا كان قصدو عل مربى او عشي تاني .. 🤷♂️
ويضيف أحدهم :”مبارح نزلت منشور بخصوص المدعو احمد سالم ابو معاذ النصاب ابو الجبنة والمكدوس انا واحد ضحايا هل بني ادم مابعرف اذا فيني قول عنو بني ادم وبحكم عملي كموظف بنك حسنت ادخل على الحساب وتبين بالفعل في مبالغ كتير متحوله تحت هل اسم وصاحب الايبان المهم اليوم حكيت مع مديري شو صار وعلى كم واحد نصب وطلبت منو اذا فيني احجز على كل المبالغ اللي في حسابو طبعا انتفض مديري وقال مابيصير على اي اساس بدك تحجز قلتلو لان هادا حرامي قالي وين دليلك وصلنا شي من البوليس نحن كبنك مافيني نلعب بحساب اي عميل فقط في حال تم رفع شكوى ضده انا لحالي مارح تتحرك الشرطه بس اذا كان في بلاغ من اكثر من شخص هون رح يتم اتخاذ التدابير اللازمه.
ابن هل حرام متحولو مبالغ كتير بتذكر اكبر مبلغ كان 240 يورو واصغر مبلغ 17 واصلو مبلغ كتير ومبارح مسحوب 1000 يورو طبعا هوه الحد الاعلى اليومي المسموح فيه للسحب من الصراف الالي للشباركاسيه حاولت اعرف عملية السحب وين تمت موقع ATM بس للاسف ماحسنت لان موفاتحيلي هل خاصية بس شفت حركات الحساب الداخل والخارج واسماء الاشخاص اللي محولين لابن هل حرام انا بصراحه خايف من شغله وحده انو يكون البطاقة معاه وهو خارج المانيا وبما انه فيه يسحب كل يوم 1000 يورو راح يحاول هيك كل يوم لذالك بتمنى من كل شخص وقع ضحية هل نصاب ابلاغ البوليس فورا بعد تزويدهم برقم الايبان والاسم وانا رح ضيف بس اسم المدينة اللي انفتح فيها الحساب وغير معلومات مافيني ادلي فيها لحماية بيانات العملاء لان بتصيرلي مشكلة ولاحد يقول الله ينتقم منو والله يعوضنا خلي يكون عبره لكل واحد نذل بينصب على ولاد بلدو ونصيحة اخوية لاتشترو شي اونلاين قبل لاتاكدو من البائع انو نظامي شغلو او في عنوان للمحل سواء مطعم البسة عطور وخلافو”
أما الطامة و الخديعة الكبرى بحسب أحد الضحايا، فقد قام بوضع رقم حساب أحد الأشخاص الذين لدي خلاف معهم لتوريطه مع الشركة
