انا سوري من خمس سنين وانا بالسويد واقامتي دائمة .
لميت شمل بعد اربع سنين من الكفاح والمعاناة والذل من أجل تأمين مصاريف عائلي خارج البلد .
ولما وصلت زوجتي …. مافي داعي اشرح شوعملت…
فاضطريت قدم بطلب على المحكمة عشان الطلاق لان اذا ماعملت هيك ما رح شوف اطفالي…
وعندنا اطفال تحت العشر سنوات
بهالحالة لازم ننظر مهلة 6شهو أو 12شهر مهلة تفكير عشان الاطفال
وهيي عم تتصرف على مبدأ رح احرمو يشوف ولاده… وطلبت يكون عنوان محمي وحصلت عليه ….
والاولاد معها حاليا خطفتهم واختفت من لما وصلت للسويد.
مابدي طول بالشرح … لان القصة لها اكثر من 10شهور من المعاناة…
وانا ما خليت طريقة رحت للشرطة وللمحكة وللفميلريتان.
ومافي داعي احكي على الروتين القاتل اللي مريت فيه لحتى قدرت شوف ولادي ومرة كل سبوع 3ساعات في اليوم ممنوع اتصور معهم ممنوع اعرف وين مدارسهم ومعي مترجم في كل لقاء يراقب وينقل كل مايحصل في فترة اللقاء.
طبعا انا ما لاحقتها على شو سبب أنها طلبت عنوان محمي ولا حتى حصلت على اي معلومات بهذا الخصوص.
لأن….. إذا كنت رح لاحق الموضوع ويتبين أنها كانت عم تكذب بادعائتها للحصول على الحماية.
كانت الهجرة رح يرحلوها مباشرة. لان معها إقامة سودانية واصلا هيي مش جاية لجوء. يعني ماعليها خطر بالترحيل.
المشكلة أنه رح تترحل هيي والاولاد…. لانهم جايين باضبارة وحدة .
ولا حدا يقولي فيك تفصل القضية. لان حاولت وما مشي الحال
وإذا رح يصدر قرار ترحيل هيي ماعندها مشكلة بتعيش بسوريا والمهم تحرمني الاولاد.
فانا احتفظت بجوازات واقامات اطفالي .
وقدمت للطلاق والحضانة للاطفال المشتركة .
طبعا عم احكي مشتركة لأن الأطفال ماخصهم بمشاكل الكبار واولادي بفترة غيابي كانو عم يتشربو أفكار سيئة عني…. من امهم واهلها.
ومافيني اطلب يجو يعيشون معي لحالهم.
من يومين صدر قرار الطلاق لكن قضية الاطفال بعدها قيد الدراسة .
انا بحاجة محامي بمنطقة هلسنبوري عربي يطلع على الملفات ونتباحث على الاجرآت القادمة.
