تنبيه: المقالة المنشورة تعبر عن رأي صاحبها ولا تعبر بالضرورة عن رأي النرويج بالعربية.
الموضوع عم يصير كتير وهاد مو أول شب بيصير معو هيك
لآخذ الحذر مو آكتر في صبية عم تحكي قصة آخوهآ وحبيت آنشرهآ هون للتوعية بعرف في قصص آفظع من هيك وسمعنآ كتير بقصص غريبة عجيبة
كرمال الله يا جماعة تدعو لأخي بشفاء هو بغربة لحالو ومالنا غيرو اخي الوحيد صار معو صدمة نفسية حادة وصابتو جلطة وهلئ هو بلمشفى والله قلبنا متل النار عليه عم يقولنا رفقاتو وضعو مالو مستقر ولا بطمن حسبي الله ونعم الوكيل كل يلي صار معو بسبب مرتو ربي ينتقم منها شر انتقام
الله لا يوفقها وين ما راحت
بدت القصة من حوالي تلت سنين
لما اخي اتصل فينا وقال أنا خلصت اللغة وبلشت شغل خطبولي ونحنا طار عقلنا وبلشنا نفكر مين نخطبلو وخطر بالنا وحدة من معارفنا صبية حلوة كتير ورحنا خطبناها وتمت الموافقة وهي بتعرفو لأخي وهو شايفها من قبل ورغم هيك طلبت انو ينزل من المانيا لبيروت لحتى تشوفو منيح وشافها هي واهلها وضلو تلت ايام ببيروت واخي متكفل بكافة المصاريف وبعد بشهر نكتب كتاب محكمة بسوريا عن طريق وكالة وبلش اخي إجراءات لم الشمل وكان عم يشتغل ويتعب ويبعتلا مصاري كل شهر لحتى تجهز حالها بكلشي
لمدة تلت سنين وكان مجهز البيت بشكل كامل واشترى مفروشات جديدة وغرفة نوم هيك لحتى طلعتلا الفيزا وياريت طلعت روحها وما طلعت الفيزا من اول يوم قلبت وشها فينا نحنا فكرنها مدايقة لانو رح تترك اهلها وصار موعد السفر واخي طاااير عقلو فرح من بعد عذاب وتعب تلت سنين ورفقاتو معو بدهن يحتفلو فيه بلمطار وجايب فرقة عراضة وفرقة موسيقية من فرحتو بلعروس ولما وصلت لعندو قالتو بعد عني ولا تقرب مني نهائيا وبنفس اللحظة اجت صبية ومعها شبين اخدوها وراحو واخي من الصدمة طلع ضغطو وداخ واسعفوه فورا ونحنا ما درينا لبعد يومين لحتى اتصلو فينا رفقاتو وخبرونا بلشي يلي صار بلتفصيل وانا ضليت اتصل فيها كتير لحتى ردت وقالتي بكل وقاحة اسمعي حبيبتي انا لا حبيت اخوكي ولا بدي ياه ولا بدي اتزوج انا قبلت فيه لحتى اقدر سافر لألمانيا
وارتاح القرف وعيش حياتي وكمل دراستي وسكرت الخط
رحنا لعند امها صارت ادافع عن بنتا وقالت بنتي قبل بيوم من السفر عملت استخارة وما
ارتاحت وكانت مجهزة حالها
للسفر بكل الاحوال ما راحت مع حدى غريب لحتى ما تفكرو تحكو عنها بلعاطل هدول يلي
راحت معون اولاد بنت عمتي وحتى حكت معنا على الباب .
وللهئ ما بنعرف اذا هي قدمت لجوء أو لا عم يقولولنا رفقاتو اذا اخي طلقها برجعوها على سوريا اذا ما قدمت لجوء بس اخي لساتو بلمشفى وما عم يصحى من الصدمة كرمال الله نصحونا شو نعمل حرقت قلبو ربي يحرق قلبها تلت سنين وهي عم تضحك وتكذب عليه تلت سنين عم يركد ويتعب كرمالها وبلحظة ضاع كلشي والله اخي شب بخاف الله وصاحب دين وبيفهم بالأصول وحليوة كرمال الله ادعو لأخي بشفاء والصبر وانصحونا . لك يارتيها وقعت الطيارة ولا وصلت لعندو
ياريت سافرت على مطار تاني
ولا وصلت وتركتو قدام رفقاتو
حسبي الله ونعم الوكيل
