مشاركة خاصة
حابب احكيلكون قصت حياتي مع بارنافان و فضفض عن حالي شوي و هاد الحكي موجه يلي بيدافع عن بارنافان : قبل فترى عملت معون اجتماع و قلت انتو ليش جايين عندي شو هوا اغلاطي قالو اول وحدا اجت عندكم لقت انو حطيتو طفلكم عمرو شهر على الكنباية قلت اوك هاد غلط بس مرى بل عمر حطيناه و بل غلط من كتر التوتر يلي عنا يعني خايفين منكم هاد رقم واحدد تاني غلطة قالولي انو انتا فتحت باب القبو لتجيب العاب لا ابنك يلي عمرو سنتين و خليت باب القبو مفتوح : ضحكت من كتر ماني مدايق قلتلون يا مدام كل ما بروح جيب لعبة عم
سكر الباب بس هاد المرة نسيت سكرو كمان لاني متوتر (انتو شوفو شو الغلط يلي بيطلعولي ياها رح انفجر ) المهم تالت غلطة قالو انو الطفل ما عندو كلام مافيو يحكي عندو اشارات و انتا كم اشارة فهمت على ابنك و في اشارات ما فهمت على ابنك : هون جنيت خالص قلتلون انتو بتنكشو من تحت الارض لطلعولي مشاكل قلتلون انتو داعش بكل معنة الكلمة بس في فرق بسيط بينكم الداعش بياخد الاطفال بدون ابتسامة بس انتو بتاخدو الطفل مع ابتسامة هاد الفرق طبعن لحد هلاء ما اخدو اطفالي بس انتو شوفو الغلطات التافهة يلي بيطلعولي ياها طبعا عم يبعتو لعندي
كل مرة ناس غير ما بيبعتو نفسة مشان تجبلون غلطة حتا اخر مرة قالو الخبز التوست يلي بتاكلون مضر كتير و خاص نص للطفال طبعا هاد الخبز يلي بيستعملوه النرويجي ( كلشي يلي بيصير معي هلاء بس لان لعبت مع ابني يلي عمرو ٧ شهور لعبة طيري يا طيارة قالولي هل لعبة خطيرة بيصير فية ارتجاج بدماغ و فقدان ذاكرة و كسر بل مفاصل و قالو انتا لازملك معلومات : اول شي رفضت قلتلون انتو جايين تزعجوني
مابدي ايا شي منكون قالو لكان اذا ما بدك رح ناخد اطفالك لان نحنا معنة صلاحية ناخد ايا طفل بل عالم قلتلون اوك عطوني معلومات بس ايمت بتخلص قالو ما بنعرف: صرلي علا هل حالا 8 شهور و لم تنتهي
